Hər gün 5 dəfə asimanda rəhmət-hacət qapısı açılır. Həmin vaxt 5 namaz vaxtına düşür. Hər kim rəhmət-hacət qapısının açıq vaxtında namaz, dua yalvarışlarla asimana köklənərsə ömrünün axırına xəta-bəlasız çatar. Əks halda namaza, duaya səhlənkarlıq edən, fələyin, çeytanın zülmünə, bəlasına köklənər. Dünya fələyin, şeytanın zülm ov meşəsidir. Bu meşədə silahsız davrananı hər an həlak olmaq təhlükəsi gözləyir. Fələyin, şeytanın zülmündən özünüzü namazda-duada istigfarda gizlədin. Allaha(c.c) sığınıb, istiğfar edib, yalvarıb, dualarla silahlanın, zülm ov meşəsində zalım düşmıni pəncəsindən amanda olub qorunarsınız. Allah(c.c) kəlamı, duaları dilinizə bərk-bərk düyünləyin ki, zalım düşmən dua silahınızı dilinizdən qoparmasın. Amin!
Bəzi insanlar deyirlər ki, təkcə Allaha(c.c) inanıram, bu mənə kifayətdir. Belə insanlardan soruşmaq lazımdır ki, sən Allahın(c.c) varlığını haradan öyrənib inanmısan və Allahın(c.c) dini, qayda-qanunlarını kimdən öyrənmisən? Allah-təala yer üzünü höccətsiz qoymur. Allahın(c.c) varlığını dərk edib, dini qayda-qanunları öyrənməkdə höccətlər insanlara vasitəçi olub. Höccətlər peygəmbərlər və İmamlardır. Bunların vasitəsilə insanlar Allahı(c.c) dərk edib, dini qayda-qanunlara əməl edirlər. Allah(c.c) özü bu höccətləri insanlara rəhbər seçibdir. Məhz bu səbəbdən Allaha(c.c) inananlar onun höccətlərinə də inanmalıdır.
Peyğəmbərlər və İmamlar Allah-təala tərəfindən seçilmiş pak insanlardır. Allah(c.c) dərgahında onlar yüksək məqamlıdır.Ey hər iki dünyada cəza və təhlükə qarşısında olan insanlar, dünya və dünya səmasını qatı-kirli günahlarımızla o qədər çirkaba bulaşdırmışıq ki, kirli nəfsimizin diləkləri asimana qalxmır. Odur ki, Allahdan(c.c) şərafətli pak bəndələrinin, yəni Peyğəmbərlər və İmamların hörməti xatirinə and verib, bağışlanmağınızı diləyin, sonra mətləb istəyin.
Namaz- Allahın(c.c) əmridir, ibadətlərin ən vacibidir.
Namaz- Dinin sütunu, dinin qidasıdır.
Namaz- Cənnətin və hər xeyirin açarıdır.
Namaz- Möminlərin meracıdır, Ərş-Əlaya yüksəlməkdi.
Namaz- Ən böyük dindarlıq ölçüsüdür.
Namaz- İnsanı Cəhənnəmdən, bütün pisliklərdən qoruyur.
Namaz- Allah-təala ilə söhbət etməkdir.
Namaz- İslamın binasıdır, təməlsiz bina olmadığı kimi, namazsız iman da olmaz.
Namaz- Əməllərin ən fəzilətlisidir.
Namaz- Allahın(c.c) qiyamətdə ilk sorğu-sualıdır.
Namaz- İnsanı qəbrə qorxusuz, cəzasız, rahat aparan bələdçidir.
Namaz- İnsana qida, ömür, səhman, dinclik şəfadır.
Namaz- İnsana əbədi yoldaş, əbədi səadətdir.
Namaz- İnsana doğru, qısa, asan təhlükəsiz yoldur.
Namaz- İnsana ucalıq, hörmət-izzətdir.
Namaz- Silahdır, şər qüvvəni qovan, yaralayıb-parçalayan, məhv edən səssiz möcüzəli silahdır.
Namaz- İnsanı öz nuruna qərq edib, bürüyüb-gizlədən, bütün təhlükələrdən qoruyub, xilas edən gözətçi məmurdur.
Namaz- Bədənin bütün orqanizminin səcdə halına razılıq təşəkkürünü Allaha(c.c) bildirməkdir.
Namaz- İldırım sürətilə göyləri yara-yara, bəndənin yalvarış sədasını asimana kökləyən, təcili əks-sədadır.
Namaz- İnsanı daima Allahın(c.c) hüzurunda edir, cəhənnəmdən, qəflətdən, günahdan mühafizə edir.
Namaz- Əmanət ehtiyatıdır, asimanda əmanət saxlanılır. Qəbr-məhşər, sorğu-sual çətin gündə namazın savabı hərənin özünə verilir.
Namaz- İmanın-Möminin nurudur, hər bir müsəlmanın evində qıldığı namaz evinin nurudur. Hər bir müsəlmanın dünya həyatında gördüyü ən qiymətli, ən dəyərli işi namaz qılmaqdır.
Hz. Mühəmməd(s.ə.s) əshabələrinə buyuraraq soruşur: Əgər sizin evinizin qabağından bir çay axarsa, siz də həmin çayda hər gün 5 dəfə yuyunarsınızsa deyin görək sizdə kir qalarmı? Əshabələr söylədilər: Xeyir, ya Rəsulallah, heç bir kir qalmaz. Həzrət Peyğəmbər(s.ə.s) dedi: Elə isə gündə 5 dəfə qılınan namaz həmin çay kimidir. Allah-təala bu 5 dəfə namazla bəndənin bütün günahlarını yuyub təmizləyir.
Qiyamət günündə ilk sorğu-sual namaz olacaqdır. Namaz sorğusundan yaxşı çıxan əzabdan qurtarar və başqa sorğulardan da asan keçər. Namaz qılmayanlar isə hesabdan pis keçər əzablara məruz qalar.
Hz.Mühəmməd(s.ə.s) ən son kəlamı:
"Namaz! Namaz!" Namazı davam etdirin, Namazı davam etdirin" olmuşdur.
Namazı əmr edən Haqqdır,Səcdəgahımız Allahdır(c.c). Qıl namazı, savab çoxdur, Qılmamağa üzr yoxdur!
|
